கைதிகளின் பற்களை பிடுங்கிய விவகாரம் - "யார் குற்றவாளி என தெளிவாக தெரிகிறது".. அம்பை எம்எல்ஏ பரபரப்பு பேச்சு

விசாரணை கைதிகளின் பற்களை பிடுங்கிய விவகாரத்தில், யார் குற்றவாளி என உள்ளங்கை நெல்லிக்கனி போல தெரிவதாக அம்பாசமுத்திரம் சட்டமன்ற உறுப்பினர் இசக்கி சுப்பையா தெரிவித்துள்ளார்.
போலீசாரால் தாக்கப்பட்டதாக கூறப்படும் மாரியப்பன் என்பவர் திருநெல்வேலி அரசு மருத்துவமனையில் சிகிச்சை பெற்று வரும் நிலையில், அவரை நேரில் சந்தித்து இசக்கி சுப்பையா நலம் விசாரித்தார்.
மேலும் மருத்துவர்களிடம் அவருக்கு வழங்கப்படும் சிகிச்சை முறைகளையும் கேட்டறிந்தார்.
பின்னர் செய்தியாளர்களை சந்தித்த அவர், இந்த விவகாரத்தில் அரசு உரிய விசாரணை நடத்த வேண்டும் என கேட்டுக்கொண்டார்