கொலையில் முடிந்த பழனி பாபா பிறந்த நாள் கூட்டம்..! - ஓசூரை அதிர வைத்துள்ள சம்பவம்

ஒசூரில் ஆட்டோ மெக்கானிக் வெட்டி கொலை செய்யப்பட்டது தொடர்பாக 3 பேரை போலீசார் கைது செய்தனர்.

ஒசூர் கொத்தூர் பகுதியில் கடந்த 14ஆம் தேதி பழனி பாபா பிறந்தநாள் விழா மற்றும் வரலாற்று விளக்க பொது கூட்டம் நடைபெற்றது. அப்போது கூட்டத்தில் இருந்து வெளியே வந்த ஜசீம் அக்ரம் என்பவரை மகபூப் பாஷா என்பவர் தாக்கியதாக கூறப்படுகிறது. இதையடுத்து ஏற்பட்ட மோதலில் மகபூப் பாஷா மற்றும் அவரது நண்பர்கள் சர்தாஜ், பவன் பிரகாஷ் ஆகியோர் படுகாயமடைந்தனர். அவர்களை போலீசார் மீட்டு மருத்துவமனைக்கு அனுப்பி வைத்தனர். இதில் ஆட்டோ மெக்கானிக் சர்தாஜ் சிகிச்சை பலனின்றி உயிரிழந்தார். இந்த சம்பவம் தொடர்பாக இதுவரை 3 பேரை கைது செய்துள்ள போலீசார் சம்பந்தப்பட்ட மற்றவர்களை தேடி வருகின்றனர்.