"ஒரே ஒரு சூப்பர் ஸ்டார் ரஜினி" -டுவிட்டரில் வருண் சக்கரவர்த்தி நெகிழ்ச்சி| Rajinikanth | Super star

நடிகர் ரஜினிகாந்தை சந்தித்தது தொடர்பாக கொல்கத்தா அணி வீரர் வருண் சக்கரவர்த்தி நெகிழ்ச்சி தெரிவித்து உள்ளார். கொல்கத்தா வீரர்கள் வருண் சக்கரவர்த்தியும் வெங்கடேஷ் ஐயரும் ரஜினிகாந்தை அவரது இல்லத்தில் சந்தித்தனர். இந்த சந்திப்பு தொடர்பாக டுவிட்டரில் பதிவிட்டுள்ள வருண் சக்கரவர்த்தி, தினமும் லட்சக்கணக்கான ஸ்டார்களை இரவு வானில் நாம் காணலாம் என்றும், ஆனால், சூப்பர் ஸ்டாரை சந்திப்பது வாழ்நாளில் ஒருமுறையே நடைபெறும் நிகழ்வு போன்றது என்றும் கூறி உள்ளார். ஒரே ஒரு சூப்பர் ஸ்டார் ரஜினிகாந்த் எனக் கூறியுள்ள அவர், குடும்ப உறுப்பினர் போல தங்களிடம் ரஜினிகாந்த் பேசியதாகக் குறிப்பிட்டு உள்ளார்.