ஆம்னி பேருந்துகள் கூடுதல் கட்டணம் வசூல் - 50 ஆயிரம் அபராதம் விதித்து அதிகாரிகள் அதிரடி

சென்னை புறநகரில் கூடுதல் கட்டணம் வசூலித்த ஆம்னி பேருந்துகளுக்கு அதிரடியாக 50 ஆயிரம் ரூபாய் அபராதம் விதிக்கப்பட்டுள்ளது. தீபாவளியை வைத்து ஆம்னி பேருந்துகளில் கூடுதல் கட்டணம் வசூலிப்பதாக புகார்கள் எழுந்தன. இதையடுத்து வட்டார போக்குவரத்து அலுவலகம் சார்பில் ஆய்வுகள் மேற்கொள்ளப்பட்டன. கடந்த 2 நாட்களாக கத்திப்பாரா, அசோக் நகர் பகுதிகளில் அதிரடி ஆய்வுகள் மேற்கொள்ளப்பட்ட நிலையில், 140க்கும் மேற்பட்ட ஆம்னி பேருந்துகளில் சோதனை நடத்தப்பட்டது. இதில் விதிமீறி இயக்கப்பட்ட 8 வாகனங்களுக்கு 50 ஆயிரம் ரூபாய் அபராதம் விதிக்கப்பட்டது.