"வீட்டிற்கு தண்ணீர் வரவில்லை" - ஊராட்சி மன்ற தலைவரின் கணவர் மீது தாக்குதல்

நாமக்கல் மாவட்டம் வில்லிபாளையம் ஊராட்சி மன்ற பட்டியலின தலைவராக சங்கீதா என்பவர் இருந்து வருகிறார். இந்த ஊராட்சியில் குடியிருப்புகளுக்கு தண்ணீர் எடுத்து விடும் பணியை செய்து வருபவர் விடுப்பு எடுத்த காரணத்தால், ஊராட்சி மன்ற தலைவர் சங்கீதாவின் கணவர் நடராஜன் அப்பணியை செய்து வந்ததாக தெரிகிறது.

இந்நிலையில் வில்லிபாளையம் கிராமத்தை சேர்ந்த சதீஷ்குமார் என்பவர் தனது வீட்டிற்கு தண்ணீர் வரவில்லை எனக்கூறி, ஊராட்சி மன்ற அலுவலகத்தில் தகராறில் ஈடுபட்டுள்ளார்.

மேலும் , ஊராட்சி மன்ற தலைவர் சங்கீதாவின் கணவர் நடராஜனை சரமாரியாக தாக்கியுள்ளார்.

இதில் படுகாயம் அடைந்த நடராஜன் நாமக்கல் மாவட்ட அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளார்.