எப்படி சுத்து போட்டாலும் சேதாரம் நாய்க்கு தான்.. கடி நாய்களை அலறவிடும் பிரத்யேக வண்டி..!

கேரளாவில் தெருநாய்களின் கடியில் இருந்து தப்பிப்பதற்காக புதிய வாகனத்தை அபுபக்கர் என்பவர் உருவாக்கியுள்ளார்.

கேரளாவில் தினமும் தெரு வெறிநாய்களின் கடியால் ஏராளமானோர் பாதிக்கப்பட்டு வருகின்றனர்.

நாய்கடிக்கு எதிராக பொதுமக்கள் குரல் கொடுத்து வருகின்றனர்.

இந்நிலையில், மலப்புரம் பகுதியை சேர்ந்த அபுபக்கர் என்பவர் தனி ஆளாக நாய்கடிக்கு எதிராக போராடி வருகிறார்.

நான்கு பக்கமும் இரும்பு கம்பிகளால் ஆன கிரில் பாதுகாப்பு கவசம் கொண்ட வாகனத்தை உருவாக்கி, அதற்குள் நின்றபடி 62 கிலோ மீட்டர் தூரம் தினசரி செய்தி தாள்களில் பிரசுரமாகும் நாய்கடி குறித்த செய்தி தாள்களை இரும்பு கிரில்களில் ஒட்டி நடந்து வருவதுடன், மாவட்ட ஆட்சியர் அலுவலகத்தில் தினசரி மனுவையும் அளித்து வருகிறார்.

நாய் கடிக்கு தனி ஆளாக போராடி வருவது, பொதுமக்களின் கவனத்தை பெற்று வருகிறது.