NIA தேடப்படும் குற்றவாளியின் தந்தை மரணம் - குவிக்கப்பட்ட போலீஸ்..பரபரப்பான தஞ்சை

தேசிய புலனாய்வு முகமையால் தேடப்பட்டு வரும் குற்றவாளியின் தந்தை இறந்துள்ளதையொட்டி, தஞ்சை மாவட்டம் அய்யம்பேட்டை அருகே போலீசார் குவிக்கப்பட்டுள்ளனர்.

தஞ்சை மாவட்டம் வடக்குமாங்குடி பகுதியை சேர்ந்தவர் புர்கானுதீன். இவர் பாமக பிரமுகர் ராமலிங்கம் என்பவர் கொலை செய்யப்பட்ட வழக்கில், தேசிய புலனாய்வு முகமையால் தேடப்படும் குற்றவாளியாக இருந்து வருகிறார். இந்தநிலையில் புர்கானுதீனின் தந்தை முகமதுபாரூக், உடல்நலக்குறைவால் உயிரிழந்துள்ளார். இதனையடுத்து தந்தையின் மறைவுக்கு புர்கானுதீன் வரக்கூடும் என்பதால், வடக்குமாங்குடி பகுதியில் டிஎஸ்பி தலைமையிலான போலீசார் குவிக்கப்பட்டுள்ளனர். இதனால் அப்பகுதியில் பரபரப்பு நிலவி வருகிறது.