"மாமல்லபுரத்தில் அடுத்த சர்வதேச திருவிழா!" - வெளியான அறிவிப்பு

மாமல்லபுரத்தில் சர்வதேச காற்றாடி திருவிழா ஆகஸ்ட் 13 ஆம் தேதி முதல் 15 ஆம் தேதி வரை நடைபெற உள்ளதாக தமிழக சுற்றுலாத்துறை தெரிவித்துள்ளது. இந்த நிகழ்வு 14 ஏக்கர் பரப்பளவில் மகாபலிபுரத்தில் உள்ள TTDC ஓஷன் வியூவில் நடைபெறுகிறது.

அப்பகுதியில் பல்வேறு உணவு கடைகள், விளையாட்டு, குழந்தைகளுக்கான போட்டிகளும் கலை மற்றும் இசை நிகழ்ச்சிகளும் நடைபெறும் என தெரிவிக்கப்பட்டுள்ளது.

காற்றாடி திருவிழாவில் அமெரிக்கா, தாய்லாந்து உள்ளிட்ட பல்வேறு நாடுகளை சார்ந்தவர்கள் பங்கேற்க உள்ளனர்.

குழந்தைகளுக்கு நுழைவு கட்டணம் கிடையாது எனவும் பெரியவர்களுக்கு நுழைவு கட்டணமாக 150 ரூபாய் பெறப்படும் என்றும் தமிழக சுற்றுலாத்துறை கூறியுள்ளது.