மாமியாருக்கு மருமகள் போட்ட ஸ்கெட்ச்.. - அடுத்த நாளே ஹெல்மெட்டுடன் வந்த மர்ம நபர் - கடைசியில் நடந்த ட்விஸ்ட்

நெல்லை மாவட்டம் வடுகன்பட்டி கிராமத்தை சேர்ந்தவர் சீதா ராமலட்சுமி. இவருக்கும் இவரது மருமகளான மகாலட்சுமிக்குமிடையே அடிக்கடி தகராறு இருந்து வந்ததாக கூறப்படுகிறது. இந்நிலையில், பேண்ட், சர்ட் அணிந்து தலையில் ஹெல்மெட் மாட்டிக்கொண்டு வந்த மர்மநபர் ஒருவர், சீதராமலட்சுமியை கம்பால் அடித்து, நகைகளை பறித்து சென்ற சம்பவம் அதிர்ச்சியை ஏற்படுத்தியது. இதில், சீதா ராமலட்சுமியை அக்கம்பக்கத்தினர் மீட்டு மருத்துவமனையில் அனுமதித்த நிலையில், மர்மநபரை போலீசார் வலை வீசி தேடி வந்தனர். இந்நிலையில், அருகில் உள்ள சிசிடிவி காட்சியை கைப்பற்றி பார்த்த போது, சீதா ராமலட்சுமியின் மருமகளே ஆண் போன்று பேண்ட்,சர்ட் அணிந்தும், தலையில் ஹெல்மெட் மாட்டி வந்தும் தாக்கி கொன்றது தெரியவந்தது. இதில், சந்தேகம் ஏதும் ஏற்படாமல் இருக்க, நகைகளை கொள்ளையடிக்க வந்ததுபோல் மூதாட்டியின் 5 சவரன் நகையையும், திருடியது தெரியவர, மகாலட்சுமியை கைது செய்த போலீசார் சிறையில் அடைத்தனர்.