நடுக்கடலில் மீனவர்களிடையே நடந்த மோதல் - நாட்டு வெடிகுண்டு வீச்சு.. சினிமாவை மிஞ்சிய பயங்கரம்

மீன்பிடிப்ப து தொடர்பாக, நடுக்கடலில் குமரி மாவட்ட மீனவர்களுக்கும் நெல்லை மாவட்ட மீனவர்களுக்கும் இடையே மோதல் ஏற்பட்டது.

கன்னியாகுமரி மாவட்டம், சின்னமுட்டத்தைச் சேர்ந்த 15 மீனவர்கள், சில்வெஸ்டர் என்பவருக்குச் சொந்தமான விசைப்படகில் கடலுக்குள் மீன்பிடிக்க சென்றனர். மீன் பிடித்து விட்டு கரை திரும்பி கொண்டிருந்தபோது, 15-க்கும் மேற்பட்ட நாட்டு படகுகளில் வந்த இடிந்தகரை மீனவர்கள் நூற்றுக்கும் மேற்பட்டோர், இவர்களின் படகை முற்றுகையிட்டு கற்களை வீசித் தாக்குதல் நடத்தினர். அதுமட்டுமன்றி, நாட்டு வெடிகுண்டுகளையும் எறிந்தனர். இதனால் அதிர்ச்சி அடைந்த குமரி மீனவர்கள் அங்கிருந்து தப்பி, அவசர அவசரமாக கரைக்குத் திரும்பினர். இந்த தாக்குதலில் குமரி மீனவர்கள் யாருக்கும் காயம் ஏற்படவில்லை. இருப்பினும் அவர்களின் விசைப் படகு சேதம் அடைந்தது. இந்த சம்பவத்தால் கன்னியாகுமரி மீனவர்கள் அச்சத்தில் உள்ளனர்.