திருடனை பிடிக்க சென்ற இன்ஸ்பெக்டர்... குடும்பத்துடன் திருடன் நிகழ்த்திய பயங்கரம் -நாகையில் அதிர்ச்சி

நாகை மாவட்டத்தில் திருடனை பிடிக்க சென்ற காவலர்கள் கத்தியால் தாக்கப்பட்ட சம்பவம் பரபரப்பை ஏற்படுத்தியுள்ளது. வேதாரண்யத்தை சேர்ந்தவர் செல்வத்துரை. இவர் கோடியக்காட்டு பகுதியில் சிலிண்டர் திருட்டில் ஈடுபட்டதாக போலீசில் புகாரளிக்கப்பட்டது. புகாரின் அடிப்படையில் வேதாரண்யம் காவல் ஆய்வாளர் குணசேகரன் தலைமையில் 2 காவலர்கள் செல்வத்துரையின் வீட்டிற்கு விரைந்தனர். அங்கு, செல்வத்துரை அவருடைய மனைவி மற்றும் மகனுடன் சேர்ந்து காவலர்களை கத்தியால் சரமாரியாக தாக்கிய சம்பவம் அதிர்ச்சியை ஏற்படுத்தியது. இதில், காயமடைந்த 3 பேரும் மருத்துவமனையில் அனுமதிக்கப்பட்ட நிலையில், நாகை மாவட்ட காவல்கண்காணிப்பாளர் நேரில் சென்று விசாரணை நடத்தி வருகிறார்.