நீங்க போகிறதா "நான் ரெடி..." பாடல் - பெரும் சிக்கலில் லியோ படம்

'லியோ' படத்தில் இடம்பெற்றுள்ள "நான் ரெடி..." பாடலுக்கு சென்சார் சான்றிதழ் வழங்கப்படவில்லை என தணிக்கை குழு தரப்பில் தெரிவிக்கப்பட்டுள்ளது...

நடிகர் விஜய் பாடியுள்ள "நான் ரெடிதான் வரவா..." என்ற பாடல் வெளியாகி பட்டித் தொட்டி எங்கும் வைரலாக பரவி வருகிறது. இந்நிலையில் இப்பாடலில் இடம்பெற்றுள்ள வரிகள் போதைப் ப ழக்கத்தை ஊக்குவிப்பதாக சமூக ஆர்வலர் ஆர்டிஐ செல்வம் என்பவர் சென்னை மாநகர காவல்துறையில் புகார் அளித்துள்ளார். இதனிடையே, இப்பாடலுக்கான சென்சார் சான்றிதழ் குறித்து அறிந்து கொள்ள மத்திய தணிக்கை குழுவையும் அவர் அணுகினார். இதற்கு பதில் அளித்துள்ள தணிக்கை வாரியம், "நான் ரெடி..." பாடலின் பொது வெளியீட்டிற்கு தற்போது வரை U, A, U/A போன்ற எந்த வித சான்றிதழும் வழங்கப்படவில்லை எனவும், சமூக வலைதளத்தில் வெளியாகியுள்ள இந்த பாடல் திரைத்துறை தணிக்கை சட்டத்தின் கீழ் வராது எனவும் தெரிவித்துள்ளது. இந்நிலையில் அனுமதி பெறாமல் வெளியாகியுள்ள இந்த பாடலை நீக்கும்படி, நீதிமன்றத்தை நாடவுள்ளதாக ஆர்டிஐ செல்வம் தெரிவித்துள்ளார்.