மர்மமான முறையில் இறந்த நாய்கள்..விசாரணையில் வெளியான அதிர்ச்சி தகவல் ...கதறும் உரிமையாளர்கள்

பல்லடத்தை கரைப்புதூர் லட்சுமி நகர் மற்றும் சுற்றுவட்டார பகுதிகளில் வளர்ப்பு நாய்கள் அடிக்கடி மர்மமான முறையில் சுருண்டு விழுந்து உயிரிழந்தன. உயிருக்கு போராடிக் கொண்டிருந்த சில நாய்களை அதன் உரிமையாளர்கள், கால்நடை மருத்துவமனைகளுக்கு அழைத்துச் சென்று காண்பித்தபோது, விஷம் கலந்த மாமிசத்தை சாப்பிட்டதுதான் இதற்கு காரணம் என்று மருத்துவர்கள் தெரிவித்துள்ளனர். இதனால் அதிர்ச்சி அடைந்த அப்பகுதி மக்கள், மற்ற செல்லப் பிராணிகளை காப்பாற்றுவதற்காக தொடர் கண்காணிப்பில் இருந்து வந்துள்ளனர். அப்போது அந்த பகுதியில் உணவகம் நடத்தி வரும் ஒருவர், இறைச்சியில் விஷம் கலந்து, தெருவோரங்களில் சுற்றித் திரியும் வளர்ப்பு நாய்களை குறி வைத்து வீசி சென்றதாகத் தெரிகிறது. இதுகுறித்து அந்த பகுதியைச் சேர்ந்த பொதுமக்கள் அளித்த புகாரின்பேரில், பல்லடம் போலீசர் தீவிர விசாரணை நடத்தி வருகின்றனர்.