நள்ளிரவில் பயங்கர ஆயுதங்களுடன் IT காலனிக்குள் புகுந்த மர்ம கும்பல் - கிருஷ்ணகிரியில் பரபரப்பு

கிருஷ்ணகிரி மாவட்டம் ஓசூரில், குடியிருப்பு பகுதியில் ஆயுதங்களுடன் நுழைந்து கொள்ளை சம்பவத்தில் ஈடுபட்ட மர்ம நபர்களால் பொதுமக்கள் அச்சம் அடைந்துள்ளனர்.ஓசூர் பாகலூர் சாலையில் உள்ள தனியார் குடியிருப்பில், ஐடி நிறுவனங்களில் வேலை பார்த்து வரும் 50-க்கும் மேற்பட்டோர் குடும்பத்துடன் வசித்து வருகின்றனர்.

நேற்று நள்ளிரவு இந்த குடியிருப்பு பகுதிக்குள் பயங்கர ஆயுதங்களுடன் நுழைந்த மர்ம நபர்கள் பல்வேறு வீடுகளில் நகை மற்றும் பணம் உள்ளிட்டவற்றை கொள்ளையடித்து சென்றனர். இது குறித்து குடியிருப்பு வாசிகள் அளித்த புகாரின் பேரில் சம்பவ இடத்திற்கு வந்த போலீசார் அப்பகுதியில் இருந்த சிசிடிவி காட்சிகளை கைப்பற்றி கொள்ளையர்கள் குறித்து விசாரணை மேற்கொண்டு வருகின்றனர்..