ம.தி.மு.க உட்கட்சி தேர்தல் - நாளை வேட்புமனு தாக்கல்

ம.தி.மு.க. உட்கட்சித் தேர்தலுக்கான வேட்பு மனு தாக்கல் நாளை நடைபெறுகிறது.

ம.தி.மு.க.வில் உட்கட்சித் தேர்தல் மூலம் மாற்றங்களை கொண்டு வர முடிவு செய்யப்பட்டுள்ளது.

இதற்கான வேட்பு மனு தாக்கல், தலைமை அலுவலகத்தில் நாளை நடைபெறுகிறது.

கட்சியில் முதன்மை செயலாளர் என்ற பதவி புதிதாக உருவாக்கப்பட்டு, அதற்கு தலைமை கழக செயலாளராக உள்ள துரை வைகோ தேர்வு செய்யப்பட உள்ளார்.

அவைத்தலைவராக இருந்த திருப்பூர் துரைசாமி கட்சியிலிருந்து விலகிய நிலையில், ஆடிட்டர் அர்ஜுன்ராஜ் அப்பதவிக்கு போட்டியிட விருப்ப மனு பெற்றுள்ளார்.

இதேபோல், பொருளாளர் பதவிக்கு நாடாளுமன்ற உறுப்பினர் கணேசமூர்த்தி மீண்டும் போட்டியிடாததால், செந்தில் அதிபன் அப்பதவிக்கு விருப்ப மனு பெற்றுள்ளார்.