பீகாரில் வங்கிக்குள் புகுந்து செக்யூரிட்டியை சுட்டு கொன்ற முகமூடி கொள்ளையர்கள்.. அலறி ஓடிய கஸ்டமர்ஸ் - பதைபதைக்கும் காட்சி

பீகார் மாநிலம் சோன்பூர் பகுதியில் வங்கிக்குள் புகுந்த 5 முகமூடி கொள்ளையர்கள் 2 காவலாளிகளை சுட்டு விட்டு 12 லட்சம் ரூபாயை கொள்ளையடித்து சென்றனர். வங்கி அலுவல் நேரத்தில் துப்பாக்கியுடன் நுழைந்த முகமூடி கொள்ளையர்களை கண்டு வாடிக்கையாளர்கள் அலறியடித்து ஓட்டம் பிடித்தனர். கொள்ளையர்களால் சுடப்பட்ட ஓரு காவலாளி சம்பவ இடத்திலேயே உயிரிழந்தார். மற்றொரு காவலாளி உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளார். இது தொடர்பான சிசிடிவி காட்சிகளை ஆய்வு செய்து முகமூடி கொள்ளையர்களை பிடிக்கும் முயற்சியில் போலீசார் தீவிரமாக ஈடுபட்டுள்ளனர்.