ஒரே வீட்டை பயன்படுத்திய பலபேர்..! அப்பார்ட்மெண்ட்டை வைத்து நடந்த பயங்கரம்

ஆனையூர் அருகே மலர்நகர் பகுதியை சேர்ந்த புகழ் இந்திரா என்ற நபர், தனது 2 வீடுகளை, OLX மூலமாகவும், தரகர்கள் மூலமாகவும், 10 பேருக்கு ஒத்திக்கு விட்டு மோசடி செய்துள்ளதாக கூறப்படுகிறது. பாதிக்கப்பட்டவர்கள் அளித்த புகாரின் பேரில், மோசடியில் ஈடுபட்ட புகழ் இந்திரா என்பவரை போலீசார் கைது செய்தனர். இதுதொடர்பான விசாரணையில், ஒவ்வொரிடமும் தலா 8 லட்சம் ரூபாய் வரை வாங்கிவிட்டு, வீடு பராமரிப்பு எனக்கூறி, மோசடியில் ஈடுபட்டதாக கூறப்படுகிறது. இந்த சம்பவத்தில் முதற்கட்டமாக 4 பேர் புகார் அளித்த நிலையில், அடுத்தடுத்து தொடர்ந்து புகார்கள் வருவதால், போலீசார் அதிர்ச்சி அடைந்துள்ளனர்