ஷேர் ஆட்டோவை வைத்து ரீல்ஸ் எடுத்த இளைஞர்கள்- மதுரையில் பரபரப்பு

மதுரையில் ஷேர் ஆட்டோவை வைத்து ரீல்ஸ் எடுத்து, இளைஞர்கள் சமூக வலைதளத்தில் பதிவேற்றம் செய்தனர்.

மதுரையில் சித்திரைத் திருவிழா நடைபெறும் தேனூர் மண்டப பகுதியில், இளைஞர்கள் ஷேர் ஆட்டோவை வைத்து ரீல்ஸ் எடுத்த நிகழ்வு சர்ச்சையை ஏற்படுத்தியுள்ளது. நான்குக்கும் மேற்பட்ட ஆட்டோக்களை வைத்துக்கொண்டு இளைஞர்கள் ஆட்டோவை வட்டமிட்டபடி சரமாரியாக வைகை ஆற்றுக்குள் ஓட்டுகின்றனர். அப்போது எதிர்பாராத விதமாக ஒரு ஆட்டோ கவிழ்ந்தது. ஆட்டோ ஓட்டுநர் காக்கி உடை அணிந்த நிலையில், அன்றாடம் ஆட்டோ ஓட்டுபவர்களா என்கிற கேள்வியும் எழுந்துள்ளது. அன்றாடம் மக்கள் பயன்படுத்தக்கூடிய ஆட்டோக்களை வைத்து இதுபோன்ற செயல்களில் ஈடுபட்டவர்கள் மீது நடவடிக்கை எடுக்க வேண்டுமென சமூக ஆர்வலர்கள் கோரிக்கை விடுத்துள்ளனர்.