மனைவியுடன் நகைக்கடைக்காரர் தகாத உறவு...போனில் உல்லாச புகைப்படத்தை பார்த்த கணவர்..பொறுக்காமல் அரங்கேற்றிய அதிர்ச்சி சம்பவம்

மதுரையில் மனைவியுடன் தகாத உறவில் இருந்த நபரை கூலிப்படை வைத்து கொலை செய்த காவலர் உட்பட 7 பேரை போலீசார் கைது செய்தனர்.

மதுரை வில்லாபுரத்தை சேர்ந்தவர் மணிகண்டன். இவர் மதுரையில் நகைக்கடை நடத்தி வந்த நிலையில், எம்.கே. புரம் அருகே இரவு மர்மநபர்களால் வெட்டி கொலை செய்யப்பட்ட சம்பவம் அதிர்ச்சியை ஏற்படுத்தியது. இது தொடர்பாக போலீசார் நடத்திய விசாரணையில் பரபரப்பு தகவல்கள் வெளியாகியுள்ளன. அதில், மதுரை ஜெய்ஹிந்த்புரத்தை சேர்ந்த காவலரான ஹரிஹரபாபுவுடன் மணிகண்டனுக்கு பழக்கம் ஏற்பட்டுள்ளது. இந்நிலையில், காவலர் ஹரிஹரபாபு தன் மனைவியை நகைகள் வாங்குவது தொடர்பாக மணிகண்டனிடம் அறிமுகம் செய்து வைத்துள்ளார். இதையடுத்து, காவலரின் மனைவியுடன் மணிகண்டன் நெருங்கி பழகி வந்த நிலையில், மனைவியின் செல்போனை எதேச்சையாக ஹரிஹரபாபு எடுத்து பார்த்துள்ளார். அப்போது, தன் மனைவியுடன் மணிகண்டன் நெருக்கமாக இருக்கும் புகைப்படத்தை கண்டு ஆத்திரமடைந்த ஹரிஹரபாபு கூலிப்படைகளை ஏவி மணிகண்டனை கொலை செய்தது தெரியவந்துள்ளது. இதையடுத்து, காவலர் ஹரிஹரபாபு உட்பட 7 பேரை கைது செய்த போலீசர் சிறையில் அடைத்தனர்.