கஞ்சா பீடி கேட்டு கைதிகளுக்கு இடையே மோதல் - மதுரை மத்திய சிறையில் பரபரப்பு

மதுரை மத்திய சிறையில் இரண்டு குழுக்களுக்கு இடையே மோதல் ஏற்பட்டதில் 3 பேர் காயமடைந்தனர்.

மதுரை மத்திய சிறையில் 1200 க்கும் மேற்பட்ட கைதிகள் உள்ளனர்.

இந்நிலையில், தண்டனை கைதியான வெள்ளைக்காளி தரப்பிற்கும், கச்சநத்தம் கொலை வழக்கில் தண்டனை அனுபவித்து வரும் கனித்குமார் தரப்பிற்கும் கஞ்சா பீடி தொடர்பாக வாய்த்தகராறு ஏற்பட்டது.

சிறிது நேரத்தில் கைகலப்பாக மாறியது. இரு தரப்பினரும் ஆக்ரோஷமாக மோதிக் கொண்டதில், 3 பேருக்கு லேசான காயம் ஏற்பட்டது.

இவர்களுக்கு சிறை மருத்துவமனையில் சிகிச்சை அளிக்கப்பட்டது.

கைதிகள் மோதிக்கொண்ட சம்பவத்தால் சிறை வளாகத்தில் பரபரப்பு ஏற்பட்டது.