சாலையில் சென்ற பெண்ணை கடித்து குதறிய வெறிநாய் - வெளியான சிசிடிவி காட்சி

மன்னார்குடி அருகே இன்று மீண்டும் வெறிநாய் கடியால் 6 பேர் பாதிக்கப்பட்டுள்ளனர். திருவாரூர் மாவட்டம் மன்னார்குடி பகுதியில், நேற்று இரவு 10க்கும் மேற்பட்டோரை வெறி நாய் கடித்தது. இதில் காயமடைந்தவர்கள் அரசு மருத்துவமனையில் சிகிச்சை பெற்ற நிலையில், அந்த வெறிநாயை நகராட்சி ஊழியர்கள் பிடித்து சென்றனர். இந்தநிலையில் இன்று காலை, மற்றொரு வெறிநாய் 6 பேரை கடித்துள்ளது. இந்த சம்பவம் மன்னார்குடி பகுதியில் பரபரப்பை ஏற்படுத்தியுள்ள நிலையில், நடந்து சென்ற பெண்ணை நாய் கடிக்கும் சிசிடிவி காட்சி வெளியாகியுள்ளது.