மக்களை அலற விடும் சிறுத்தை...ஆனால், மாணவர்களுக்கு..

சிறுத்தை புலி நடமாட்டம் காரணமாக பரமத்திவேலூர் சுயநிதி கல்லூரிக்கு 2 நாள் விடுமுறை அறிவிக்கப்பட்டுள்ளது.

நாமக்கல் மாவட்டம் பரமத்திவேலூர் பகுதியில் சுற்றி திரியும் சிறுத்தை புலி, சுண்டப்பனை பகுதியில் ஆட்டை அடித்து இழுத்து சென்றது.

இந்தநிலையில் அந்த இடம், பரமத்திவேலூர் சுயநிதி கல்லூரிக்கு 2 கிலோ மீட்டருக்கும் குறைவான தூரத்திலேயே உள்ளதால், அக்கல்லூரி மாணவர்கள் அச்சமடைந்தனர்.

இந்தநிலையில் வருவாய்த்துறை அதிகாரிகளின் வேண்டுகோளின்படி, சுயநிதி கல்லூரிக்கு 2 நாட்கள் விடுமுறை அளிக்கப்பட்டுள்ளது.