"ரஷ்யாவிடம் இருந்து 440க்கும் மேற்பட்ட உடல்கள் கொண்ட மிகப்பெரிய கல்லறை" அதிரவைக்கும் அதிர்ச்சி தகவல்

ரஷ்யப் படைகளிடமிருந்து மீட்கப்பட்ட கிழக்கு நகரமான இசியத்தில் 440க்கும் மேற்பட்ட உடல்கள் கொண்ட மிகப்பெரிய கல்லறையை உக்ரைனிய அதிகாரிகள் கண்டுபிடித்துள்ளதாக அந்நாட்டு அதிபர் ஜெலென்ஸ்கி தெரிவித்துள்ளார்... அதில் சிலர் வெடிகுண்டு மற்றும் வான்வழி தாக்குதல்களால் கொல்லப் பட்டுள்ளதாகவும் உக்ரைன் தரப்பில் தெரிவிக்கப்பட்டுள்ளது. இது குறித்து தடயவியல் நிபுணர்கள் ஆய்வு மேற்கொண்டு வருவதாக காவல் துறை அதிகாரிகள் தகவல் தெரிவித்துள்ளனர். பொதுமக்களை குறிவைத்து தாக்குதல் நடத்தப்படவில்லை என்று தொடர்ந்து ரஷ்யா தெரிவித்து வரும் நிலையில், உக்ரைன் நகரங்களில் மரணங்களை விட்டுச் செல்லும் ரஷ்யா அதன் அனைத்து குற்றங்களுக்கும் பொறுப்பேற்க வேண்டும் என்று ஜெலென்ஸ்கி வலியுறுத்தியுள்ளார்.