கோவையில் முதல்முறையாக... கண்ணைக்கவரும் வான் விளக்குகள் நிகழ்ச்சி

தீபாவளி பண்டிகை நெருங்கி விட்ட நிலையில் கோவை மாநகராட்சி மற்றும் ஸ்மார்ட் சிட்டி லிமிடெட் சார்பில், கோவை வாலாங்குளத்தில் வான் விளக்கு நிகழ்ச்சி ஏற்பாடு செய்யப்பட்டிருந்தது. சீனா, தைவான், அமெரிக்கா, பிரிட்டன் உள்ளிட்ட நாடுகளில் மட்டுமே அதிக அளவில் கொண்டாடப்படும் இந்த வான்விளக்கு விடும் நிகழ்ச்சி, கோவை மாவட்டத்தில் முதல்முறையாக நடத்தப்பட்டது. இந்த வித்தியாசமான நிகழ்ச்சியை காண ஆயிரக்கணக்கான மக்கள் வாலாங்குளத்தில் குவிந்தனர். இந்த நிகழ்ச்சியில், சுமார் 200க்கும் மேற்பட்ட வான்விளக்குகள் பறக்க விடப்பட்டன.