தங்க வியாபாரியின் கார் கடத்தல் - காரின் உரிமையாளர் தலைமறைவு.. போலீசார் சந்தேகம்

ஈரோடு மாவட்ட தேசிய நெடுஞ்சாலையில் தங்க வியாபாரியின் கார் கடத்தப்பட்ட வழக்கை விசாரிக்க, போலீசாரின் தரப்பில் 7 தனிப்படைகள் அமைக்கப்பட்டுள்ளது.

ஆந்திர மாநிலத்தை சேர்ந்தவர் நகைக்கடை உரிமையாளர் பரத். இவர் தன் ஓட்டுநரான விக்காஷ் ராவல் என்பவரிடம் கோவைக்கு சென்று தங்கம் வாங்கி வர கூறியதாக கூறப்படுகிறது.

இந்நிலையில், ஈரோடு மாவட்டம் சித்தோடு அருகே கோவையை நோக்கி விகாஷ் ராவல் காரில் சென்றுள்ளார்.

அப்போது, இவரை வழிமறித்து தாக்கிய மர்மகும்பல், காரை கடத்தி சென்று பின்பு கங்காபுரம் பகுதியில் விட்டுச்சென்றது.

இந்த சம்பவத்தை புகாரின் அடிப்படையில் விசாரணை நடத்தி வந்த போலீசார், காரின் உரிமையாளர் பரத்தை தொடர்பு கொண்ட போது அவர் தலைமறைவாக இருப்பது தெரியவந்துள்ளது.

மேலும், காரில் 2 கோடி ரூபாய் இருந்ததாகவும் தகவல் வெளியான நிலையில், சம்பவம் குறித்து விசாரிக்க 7 தனிப்படைகள் அமைத்து போலீசார் விசாரணை நடத்தி வருகின்றனர்.