பயங்கரவாதிகளுக்கு ஆட்டம் காட்டிய இந்திய ராணுவ மோப்ப நாய் - குண்டு துளைத்தும் போராடி பிடித்த "வீரன்"

காஷ்மீரில் பயங்கரவாத ஒழிப்பு நடவடிக்கையின் போது குண்டடிப்பட்ட மோப்பநாய் ஜூம் வேகமாக குணமடைந்து வருவதாக ராணுவம் தெரிவித்துள்ளது.காஷ்மீரில் பயங்கரவாதிகள் கொட்டத்தை வீர, தீரத்துடன் அடக்கி வருகிறது இந்திய பாதுகாப்பு படைகள்.

அவர்களுக்கு துணையாக மோப்ப நாய்களும் களமிறக்கப்பட்டுள்ளது.

பயங்கரவாதிகளின் இருப்பிடத்தை கண்டறியவது, இக்கட்டான நிலையில் பாதுகாப்பு படை வீரர்களுக்கு உதவுவது என பல வகைகளில் பயிற்சி பெற்ற இந்த நாய்களும், வீரர்களை போல பயங்கரவாதிகளின் வெடிகுண்டை எதிர்க்கொள்ள வேண்டியதிருக்கும்.

அப்படி ஆனந்த்நாக்கில் ஞாயிற்று கிழமை நடந்த ஆப்ரேசனில் இந்திய ராணுவத்தின் மோப்ப நாய் ஜூம் காயம் அடைந்தது.

பயங்கரவாதிகள் சுட்டதில் 2 தோட்டாக்களை எதிர்க்கொண்ட ஜூம், வீர தீரத்துடன் நாட்டுக்காக போராடியிருக்கிறது.

பயங்கரமான காயத்திலும் ஜூம் துணிச்சலாகப் போராடி பயங்கரவாதிகளை நிலைகுலைய வைத்தது. இறுதியில் ஆப்ரேசனில் 2 பயங்கரவாதிகள் கொல்லப்பட்ட நிலையில் காயம் அடைந்த ஜூம் ஸ்ரீநகரில் உள்ள கால்நடை மருத்துவமனையில் அனுமதிக்கப்பட்டது.

மோப்ப நாய் ஜூமின் செயலை பாராட்டிய பலரும், அது விரைவில் குணமடைய பிரார்த்தனை செய்தனர்.

இந்த நிலையில் ஜூமின் உடல்நிலை தேறியிருப்பதாக ராணுவம் தரப்பில் தெரிவிக்கப்பட்டுள்ளது இந்தியர்கள் மத்தியில் மகிழ்ச்சியை ஏற்படுத்தியிருக்கிறது.விரைந்து களத்துக்கு வாடா.

உன் வேட்டை தொடரட்டும் என பலரும் ஜூமை பாராட்டி வருகிறார்கள்.