"தாம்பரம்-நாகர்கோவில் தினசரி ரயில் இயக்க வேண்டும்" - எம்.பி.விஜய் வசந்த் கோரிக்கை

கன்னியாகுமரி மாவட்டத்தில் அண்மை காலமாக ரயில்வே பணிகள் வேண்டுமென்றே புறக்கணிக்கப்படுவதாக, அம்மாவட்ட எம்.பி.விஜய் வசந்த் மத்திய அரசு மீது குற்றம் சாட்டியுள்ளார்.
நாகர்கோவில் ரயில் நிலையத்தில், பல்வேறு கோரிக்கைகளை வலியுறுத்தி காங்கிரஸ் கட்சியினர், எம்.பி.விஜய் வசந்த் தலைமையில் ஆர்ப்பாட்டத்தில் ஈடுபட்டனர்.
ஆர்ப்பாட்டத்திற்கு பின், செய்தியாளர்களிடம் பேசிய எம்.பி.விஜய் வசந்த், கன்னியாகுமரியிலிருந்து வேளாங்கண்ணிக்கு வாராந்திர ரயிலும், தாம்பரம் நாகர்கோவில் இடையே தினசரி ரயிலும் இயக்க வேண்டும் என மத்திய அரசை வலியுறுத்துவதாக கூறினார்.