6 வயது சிறுமிக்கு பாலியல் தொல்லை .. 16 வயது சிறுவனின் செயலால் அதிர்ச்சி..

கன்னியாகுமரி மாவட்டம் நாகர்கோவில் அருகே ஆறு வயது சிறுமிக்கு, 16 வயது சிறுவன் பாலியல் தொல்லை அளித்த சம்பவம் அதிர்ச்சியை ஏற்படுத்தியுள்ளது

நாகர்கோவில் அருகே உள்ள கிராமத்தைச் சேர்ந்த கூலித் தொழிலாளி ஒருவருக்கு, இரு பெண் குழந்தைகள் உள்ளன. அந்த தொழிலாளி பணி நிமித்தமாக வெளியூரில் தங்கியிருந்த நிலையில், அவரது மனைவி குழந்தைகளை பராமரித்து வந்துள்ளார்.

இந்நிலையில், 6 வயதான மூத்த குழந்தைக்கு, உடல்நிலை பாதிப்படைந்ததையடுத்து, தாயார் மருத்துவமனைக்கு அழைத்து சென்றுள்ளார். அப்போது, குழந்தை பாலியல் தொல்லைக்கு உள்ளாக்கப்பட்டது தெரிய வந்தது.

இது குறித்து சிறுமியின் தாயார் காவல் நிலையத்தில் அளித்த புகாரின் பேரில், சிறுமியின் வீட்டருகே வசித்து வந்த16 வயது சிறுவன், சிறுமிக்கு பாலியல் தொல்லை கொடுத்தது தெரிய வந்தது. இதனையடுத்து, சிறுவன் கைது செய்யப்பட்டு சீர்த்திருத்தப்பள்ளியில் அடைக்கப்பட்டான்.