திடீரென கிராமத்துக்குள் நுழைந்த கும்பல்.. பயங்கர ஆயுதங்களை வைத்து தாக்குதல்-அலறியடித்து ஓடிய மக்கள்
ஸ்ரீபெரும்புதூர் அருகே பட்டாக்கத்தியை காட்டி மிரட்டி இருசக்கர வாகனங்களை சேதப்படுத்திய கும்பலை போலீசார் தேடி வருகின்றனர்.
காஞ்சிபுரம் மாவட்டம் ஸ்ரீபெரும்புதூர் அருகே வடமங்கலம் கிராமத்திற்குள் நுழைந்த இளைஞர்கள் சிலர், கத்தி மற்றும் பயங்கர ஆயுதங்களுடன் தாக்குதலில் ஈடுபட்டுள்ளனர்.
இதனைக் கண்ட கிராம மக்கள் அனைவரும் அலறியடித்துக் கொண்டு வீட்டுக்குள் நுழைந்து தங்கள் கதவுகளை தாழிட்டு கொண்டனர்.
அவர்கள் தெருவில் நின்று கொண்டிருந்த இருசக்கர வாகனங்களை வெறித்தனமாக அடித்து நொறுக்கி உள்ளனர்.
இதனைக் கண்ட கிராம மக்கள் உடனே ஸ்ரீபெரும்புதூர் காவல் நிலையத்திற்கு தகவல் தெரிவித்தனர்.
போலீசார், வருவதற்குள் தாக்குதலில் ஈடுபட்ட இளைஞர்கள், தப்பியோடியுள்ளனர். இச்சம்பவம் குறித்து வழக்குப்பதிவு செய்துள்ள போலீசார், சிசிடிவி காட்சிகளை கொண்டு, குற்றச்செயலில் ஈடுபட்டவர்களை தேடி வருகின்றனர்.
