அரசு பேருந்தை வழி மறித்து பட்டாக்கத்தியால் ஒரே போடு - மர்ம நபர்கள் வெறிச்செயல் - பதறவைக்கும் காட்சி

காஞ்சிபுரத்தில், மர்ம நபர்கள் அரசு பேருந்தை வழி மறித்து அதன் கண்ணாடியை உடைத்ததால், அப்பகுதி பரபரப்பானது. மேற்கு ராஜவீதி அருகே பேருந்து வந்து கொண்டிருந்த போது, இருசக்கர வாகனத்தில் வந்த மர்ம நபர்கள், பேருந்தை வழிமறித்து ஓட்டுநரிடம் வாக்குவாதத்தில் ஈடுபட்டனர். இதைத் தொடர்ந்து கையில் வைத்திருந்த பட்டாக்கத்தியை கொண்டு, பேருந்தின் முன் பக்க கண்ணாடியை அடித்து நொறுக்கினர். இதன் சிசிடிவி காட்சி தற்போது வெளியாகியுள்ளது.