மினி குப்பை லாரி மோதி கோரம்..முதியவர் உடல் நசுங்கி பரிதாபம் - பதறவைக்கும் சிசிடிவி காட்சி

காஞ்சிபுரத்தில் சாலையை கடக்க முயன்ற முதியவர் மீது மாநகராட்சி குப்பை அள்ளும் மினிலாரி மோதியதில் முதியவர் பரிதாபமாக உயரிழந்தார். காஞ்சிபுரத்தை சேர்ந்த 64 வயது முதியவர் முருகன், மேற்கு ராஜ வீதியில் சாலையை கடக்க முயற்சித்தார். அப்போது அந்த வழியாக வேகமாக வந்த மாநகராட்சியின் குப்பை அள்ளும் மினி லாரி, முதியவர் மீது மோதி விபத்துக்குள்ளானது. விபத்தில் முதியவர் உடல் நசுங்கி பரிதாபமாக சம்பவ இடத்திலேயே உயிரிழந்தார். இந்த விபத்து குறித்து சிவகாஞ்சி போலீசார் வழக்குப்பதிவு செய்து விசாரித்து வருகின்றனர். இந்த விபத்தின் சிசிடிவி காட்சி வெளியாகி பரபரப்பை ஏற்படுத்தியுள்ளது.