வீணான வெங்கடேஷ் ஐயரின் சதம்... கொல்கத்தாவை வீழ்த்திய மும்பை

ஐபிஎல் தொடரின் 22வது போட்டியில் கொல்கத்தா அணியை, 5 விக்கெட் வித்தியாசத்தில் வீழ்த்தி மும்பை அணி அபார வெற்றி பெற்றுள்ளது.

ஐபிஎல் தொடரின் 22வது ஆட்டத்தில் மும்பை - கொல்கத்தா அணிகள், மும்பை வான்கடே மைதானத்தில் மோதின. இதில் முதலில் பேட் செய்த கொல்கத்தா அணி 20 ஓவர்களில், 185 ரன்களை எடுத்தது. அந்த அணியின் வீரர் வெங்கடேஷ் ஐயர் சதமடித்தார். தொடர்ந்து களமிறங்கிய மும்பை அணி, 17.4 ஓவர்களிலேயே 5 விக்கெட்டுகளை மட்டுமே இழந்து, 186 ரன்கள் எடுத்து வெற்றி பெற்றது. மும்பை அணியில் அதிகபட்சமாக இஷான் கிஷன் 58 ரன்களும், சூர்ய குமார் யாதவ் 43 ரன்களும் எடுத்தது குறிப்பிடத்தக்கது. இந்த போட்டியில் மும்பை அணியின் கேப்டனாக சூர்ய குமார் யாதவ் செயல்பட்டதும், ரோகித் சர்மா இம்பாக்ட் பிளேயர்(impact player) - ஆக களமிறங்கியதும் குறிப்பிடத்தக்கது.