சர்வதேச மகளிர் ஹாக்கி தொடர்... சாம்பியன் பட்டம் வென்ற இந்தியா

ஃஎப்.ஐ.ஹெச் சர்வதேச மகளிர் ஹாக்கி தொடரில் ஸ்பெயினை வீழ்த்தி இந்தியா சாம்பியன் பட்டம் வென்று உள்ளது.

ஸ்பெயினில் நடைபெற்ற இறுதிப் போட்டியின் முதற்பாதியில் இந்திய வீராங்கனை குர்ஜித் கவுர் கோல் அடித்தார்.

இதனையடுத்து, இரு அணியினரும் கோல் அடிக்காத நிலையில் 1க்கு பூஜ்யம் என்ற கோல் கணக்கில் இந்தியா வெற்றி பெற்றது.

இதன்மூலம் அடுத்த ஆண்டு நடைபெறும் ஃஎப்.ஐ.ஹெச் Pro League தொடருக்கும் இந்தியா தகுதி பெற்று உள்ளது.

இந்திய வீராங்கனைகளுக்கு தலா 2 லட்சம் ரூபாய் பரிசு வழங்கப்படும் என இந்திய ஹாக்கி சம்மேளனம் அறிவித்து உள்ளது.