சுதந்திரதின விழாவில் சுவாரஸ்யம் .. பிரதமருக்கு கொடி ஏற்ற உதவிய பெண் ஸ்குவாட்ரான் லீடர்

செங்கோட்டை வளாகத்திற்கு வந்தடைந்த பிரதமர் மோடியை பாதுகாப்புத்துறை அமைச்சர் ராஜ்நாத் சிங், பாதுகாப்புத் துறை இணை அமைச்சர் அஜய் பட் உள்ளிட்டோர் வரவேற்றனர். தொடர்ந்து, முப்படை வீரர்களின் அணிவகுப்பு மரியாதையை பிரதமர் மோடி ஏற்றுக் கொண்டார். பின்னர் கோட்டைப் பகுதிக்கு சென்ற பிரதமர் மோடி, தேசியக் கொடியை ஏற்றி வைத்து வணக்கம் செலுத்தினார். தேசியக் கொடியை ஏற்றியபோது ஸ்குவாட்ரான் லீடர் சுனிதா யாதவ் பிரதமருக்கு உதவினார். இதன்பின்னர், 20 பேர் கொண்ட விமானப்படை இசைக்குழுவால் தேசிய கீதம் இசைக்கப்பட்டது. விமானப் படை ஹெலிகாப்டர்கள் மூலம் தேசியக் கொடி மீது மலர்கள் தூவப்பட்ட நிலையில், பட்டொளி வீசி தேசியக் கொடி பறந்தது.