தமிழ்நாடு விளையாட்டு வீரர்களுக்கு ரூ.25 லட்சம் வரை ஊக்கத்தொகை

தமிழ்நாடு விளையாட்டு வீரர்களுக்கு ரூ.25 லட்சம் வரை ஊக்கத்தொகை -டிச.15ம் தேதி வரை ஆன்லைனில் விண்ணப்பிக்கலாம்

தமிழ்நாடு விளையாட்டு மேம்பாட்டு ஆணையத்தின் மூலம் வழங்கப்படும் விளையாட்டு வீரர்களுக்கான சிறப்பு உதவி தொகை திட்டத்திற்கு டிசம்பர் 15ம் தேதிக்குள் விண்ணப்பிக்கலாம் என அறிவிக்கப்பட்டுள்ளது.

sdat@tn.gov.in என்ற இணைய தளத்தின் மூலம் விண்ணப்பிக்கலாம்

திறன்மிகு விளையாட்டு வீரர்களை ஊக்குவிக்கும் விதமாக சிறப்பு உதவி தொகை வழங்கும் திட்டத்தை தமிழ்நாடு விளையாட்டு மேம்பாட்டு ஆணையம் செயல்படுத்தி வருகிறது.

மாநிலம்,தேசிய மற்றும் சர்வதேச அளவிலான போட்டிகளில் பதக்கங்கள் வென்ற தமிழ்நாட்டைச் சேர்ந்த விளையாட்டு வீரர், வீராங்கனைகளுக்கு இந்த ஊக்கத்தொகை வழங்கப்படுகிறது. தகுதி உடையவர்களுக்கு ஊக்கத்தொகையாக ஆண்டுக்கு 2 லட்சம் முதல் 25 லட்சம் ரூபாய் வரை வழங்கப்படுகிறது.

இந்த நிலையில் ஊக்கத்தொகை பெற விரும்பும் வீரர் மற்றும் வீராங்கனைகள் தமிழ்நாடு விளையாட்டு மேம்பாட்டு ஆணையத்தின் அதிகாரப்பூர்வ இணைய தளத்தின் மூலம் விண்ணப்பிக்கலாம் என்றும், டிசம்பர் 15ம் தேதி விண்ணப்பிக்கும் கடைசி நாள் என்றும் தெரிவிக்கப்பட்டுள்ளது.

இணைய வழியில் வரும் விண்ணப்பங்கள் மட்டுமே ஏற்று கொள்ளப்படும் என கூறியுள்ள விளையாட்டு மேம்பாட்டு ஆணையம், தேவையான விவரங்களை ஆடுகளம் தகவல் மையத்தின் மூலம் பெறலாம் என்றும் கூறியுள்ளது.