'கைராசி' டாக்டரின் பின்புலம் தெரிந்து அதிர்ந்துபோன மக்கள் - நெல்லையில் பரபரப்பு..!

நெல்லை ஏர்வாடியில் எட்டாம் வகுப்பு படித்துவிட்டு, பொதுமக்களுக்கு மருத்துவ சிகிச்சை அளித்து வந்த முதியவர் கைது செய்யப்பட்டுள்ளார். நெல்லை மாவட்டம் ஏர்வாடி பகுதியை சேர்ந்த முதியவர் கிருஷ்ணன். எட்டாம் வகுப்பு வரை மட்டுமே படித்துவிட்டு மருந்துகடையில் வேலை பார்த்து வந்த இவர், உடல் நலம் பாதிக்கப்பட்டவர்களுக்கு ஊசி போட்டு, மருந்து மாத்திரைகள் அளித்து வந்துள்ளார். இதுகுறித்து எழுந்த புகாரையடுத்து கிருஷ்ணனின் வீட்டில் சுகாதாரத் துறையினரும், போலீசாரும் அதிரடி சோதனை நடத்தினர். அதனைத்தொடர்ந்து கிருஷ்ணனை போலீசார் கைது செய்துள்ளனர்.