காவல்நிலையத்தை முற்றுகையிட்ட காங்கிரஸ் கட்சியினர்...மோதல்..தடியடி...கேரளாவில் பரபரப்பு

கேரளாவில் காவல்நிலையத்தை முற்றுகையிட முயன்ற காங்கிரஸ் கட்சியினர் மீது, தடியடி நடத்தப்பட்டது பரபரப்பை ஏற்படுத்தியது. கேரளாவின் திருப்புந்நித்துறா காவல் நிலையத்திற்கு, விசாரணைக்காக அழைத்துச் செல்லப்பட்ட மனோகரன் என்பவர் உயிரிழந்தார். இந்தநிலையில் அவரது மரணத்தில் சம்பந்தப்பட்ட போலீசார் மீது நடவடிக்கை எடுக்க கோரி, காங்கிரஸ் கட்சியினர் காவல் நிலையத்தை முற்றுகையிட ஊர்வலமாக சென்றனர். அவர்களை போலீசார் தடுத்தபோது, இரு தரப்புக்கும் இடையே மோதல் வெடித்தது. இதனையடுத்து தடியடி நடத்தி, தண்ணீரை பீச்சி அடித்து போராட்டக்காரர்களை கலைத்த போலீசார், சிலரை கைதும் செய்தனர்.