"10.5 % இடஒதுக்கீடு தாமதமானால் உயிரையும் விடத் தயாராக இருக்கிறேன்"

பாட்டாளி மக்கள் கட்சி மற்றும் வன்னியர் சங்கம் இணைந்து நடத்திய மாவட்ட நிர்வாகிகள் கூட்டம், திண்டிவனத்தில் நடைபெற்றது. அதில், பாமக நிறுவனர் ராமதாஸ், கட்சியின் தலைவர் அன்புமணி ராமதாஸ், கௌரவத் தலைவர் ஜி கே மணி உள்ளிட்டோர் கலந்து கொண்டனர். கூட்டத்தில் பேசிய அன்புமணி ராமதாஸ், தமிழகத்தில் மிக பெரிய வெற்றிடம் உள்ளது என்றும், அதை நிரப்ப பா.ம.க.வால் மட்டுமே முடியும் என்றும் கூறினார். தமிழக மக்களுக்கு பா.ம.க.வை விட்டால் வேறு வழி இல்லை என்றும் அவர் கூறினார். அவரைத் தொடர்ந்து பேசிய ராமதாஸ், வன்னியர்களுக்கு 10.5 சதவீதம் இட ஒதுக்கீடு கிடைப்பது தாமதமானால் சாகும் வரை உண்ணாவிரதம் இருந்து உயிரையும் விடத் தயாராக இருக்கிறேன் என்று கூறினார்.