"நானும் பிரபலமாகணும் அதான்" அடுத்தடுத்த கார்களுக்கு தீவைத்த "மண்ட கோளாறு" இளைஞர்...

சென்னை வளசரவாக்கம் அருகே, பிரபலமாக வேண்டும் என்பதற்காக 2 கார்களுக்கு தீ வைத்த நபரை போலீசார் கைது செய்தனர். ஆழ்வார் திருநகரில் 2 கார்கள் தீப்பிடித்து எரிந்ததைக் கண்டு, காரின் உரிமையாளர்கள் அதிர்ச்சி அடைந்தனர். தகவலின் பேரில் வந்த தீயணைப்பு வீரர்கள், எரிந்து கொண்டிருந்த காரை தண்ணீர் ஊற்றி அணைத்தனர். பின்னர் மர்மநபர் ஒருவர் கார்களுக்கு தீவைத்தது சிசிடிவி காட்சிகளில் தெரியவந்தது. பின்னர் அந்த நபரை கைது செய்து போலீசார் விசாரணை செய்தபோது, விக்னேஷ் என தெரியவந்தது. டிக்டாக், யூடி யூபர்கள் போன்று பிரபலமாக்கி கொள்ள இந்த செயலில் ஈடுபட்டதாக விக்னேஷ் தெரிவித்தது போலீசாரை அதிர்ச்சி அடைய செய்தது.