குழந்தையுடன் சொந்த ஊருக்கு சென்ற கணவர்...மனைவி எங்கே என்று கேட்ட உறவினர்கள் - மதுபோதையில் சொன்ன பகீர் தகவல்

திருவள்ளூர் மாவட்டம் கும்மிடிப்பூண்டி அருகே கணவனே மனைவியை கொன்று மாந்தோப்பில் புதைத்த சம்பவம் அதிர்ச்சியை ஏற்படுத்தியுள்ளது..கும்மிடிப்பூண்டி அருகே கரடிபுத்தூர் கிராமத்தில் உள்ள மாந்தோப்பில் காவலாளியாக பணிபுரிந்து வந்தவர் தர்மய்யா. ஆந்திராவை சேர்ந்த இவர், மனைவி மற்றும் குழந்தையுடன் தோப்பில் தங்கி பணிபுரிந்து வந்துள்ளார். இந்நிலையில், சில நாட்கள் முன்பு குழந்தையுடன் சொந்த ஊருக்கு சென்ற தர்மய்யாவிடம், அவரது மனைவி லட்சுமி குறித்து உறவினர்கள் விசாரித்துள்ளனர். அப்போது, மதுபோதையில் இருந்த தர்மய்யா, குடும்ப தகராறில் மனைவியை கொன்று தோப்பில் புதைத்தாக கூறியிருக்கிறார். இது குறித்து போலீசில் புகாரளிக்கப்பட்ட நிலையில், தர்மய்யா வசித்த தோப்புக்கு சென்ற போலீசார், அங்கு அவரின் மனைவி லட்சுமியின் உடலை சடலமாக தோண்டி எடுத்த சம்பவம் அதிர்ச்சியை ஏற்படுத்தியது. இது குறித்து விசாரணை நடத்தி வரும் போலீசார், தலைமறைவாக உள்ள தர்மய்யாவை தேடி வருகின்றனர்...