மணிப்பூர் கலவரத்தில் கொடூர சம்பவம்..பெண்களை நிர்வாணமாக்கி ஊர்வலம் - பெரும் புயலை கிளப்பியுள்ள அதிர்ச்சிகர வீடியோ

மணிப்பூர் மாநிலத்தில் மைத்தேயி சமூகத்தினருக்கு பழங்குடியினர் அந்தஸ்து வழங்குவது தொடர்பான விவகாரத்தில், மைத்தேயி சமூகத்தினருக்கும், குகி பழங்குடியினருக்கும் இடையே ஏற்பட்ட மோதல் பெரும் கலவரமாக மாறியது. கலவரத்தை கட்டுப்படுத்த மத்திய, மாநில அரசுகள் திணறி வரும் நிலையில், ஏறத்தாழ 2 மாதங்களை கடந்தும் கலவரம் தொடர்ந்து வருகிறது. இந்நிலையில் கடந்த மே மாதம் கலவரம் உச்சக்கட்டத்தில் இருந்தபோது, பெண்கள் சிலரை நிர்வாணப்படுத்தி ஆண்கள் சிலர் ஊர்வலமாக அழைத்து சென்றதோடு, அவர்களிடம் பாலியல் சீண்டலிலும் ஈடுபட்டுள்ளனர். இது தொடர்பான வீடியோ தற்போது வெளியாகி பெரும் புயலை கிளப்பியுள்ளது. பாதிக்கப்பட்ட பெண்கள் குக்கி பழங்குடியினத்தை சேர்ந்தவர்கள் எனக் கூறப்படுகிறது. இதனிடையே அடையாளம் தெரியாத நபர்கள் மீது வழக்குப் பதிந்துள்ள போலீசார், குற்றவாளிகளை தேடி வருகின்றனர்.