கேரளாவில் கனமழைக்கு வாய்ப்பு - 6 மாவட்டங்களுக்கு மஞ்சள் எச்சரிக்கை

கேரளாவில் கனமழைக்கு வாய்ப்பு - 6 மாவட்டங்களுக்கு மஞ்சள் எச்சரிக்கை

கேரள மாநிலத்தில் 6 மாவட்டங்களுக்கு மஞ்சள் அலர்ட் விடுக்கப்பட்டுள்ளது. இடியுடன் கூடிய கனமழைக்கு வாய்ப்பிருப்பதாக வானிலை ஆய்வு மையம் தெரிவித்துள்ளது.

வரும் திங்கள்கிழமை, வங்கக் கடலில் சித்ராங் புயல் உருவாகும் என வானிலை ஆய்வு மையம் தெரிவித்த நிலையில், கேரளாவில் அடுத்த சில நாள்களுக்கு மழை நீடிக்கும் என கூறப்பட்டுள்ளது.

குறிப்பாக, பத்தனம்திட்டா, இடுக்கி, திருச்சூர், பாலக்காடு, கோழிக்கோடு மற்றும் வயநாடு உள்ளிட்ட மாவட்டங்களுக்கு இன்று மஞ்சள் அலர்ட் அறிவிக்கப்பட்டுள்ளது. மேலும், கேரளா மற்றும் லட்சத்தீவு கடற்கரை பகுதிகளில் மீன்பிடிக்க செல்ல வேண்டாம் என வானிலை ஆய்வு மையம் எச்சரிக்கை விடுத்துள்ளது.