சூறை காற்றுடன் பலத்த மழை - மரம் முறிந்து விழுந்து நசுங்கிய ஆட்டோக்கள்

சென்னை, அயனாவரம் பகுதியில் பலத்த காற்றுடன் பெய்த மழையில், மரம் முறிந்து விழுந்ததில் 2 ஆட்டோக்கள் முழுவதுமாக சேதமடைந்தது.

அயனாவரம் இ.எஸ்.ஐ. மருத்துவனை முன்பு சவாரிக்காக இரு ஆட்டோக்கள் காத்திருந்துள்ளன. அப்போது, பலத்த காற்றுடன் மழை பெய்த நிலையில், திடீரென அங்கிருந்த மரத்திலிருந்து, பெரிய மரக்கிளை ஒன்று முறிந்து ஆட்டோக்கள் மீது விழுந்ததில், 2 ஆட்டோக்களும் முழுவதுமாக சேதமடைந்தன.

இந்நிலையில், அதிர்ஷ்டவசமாக ஆட்டோ ஓட்டுநர் உயிர் தப்பிய நிலையில், இந்த விபத்து காரணமாக போக்குவரத்து நெரிசல் ஏற்பட்டுள்ளது. இதையடுத்து மரம் அகற்றப்பட்ட நிலையில், போலீசார் போக்குவரத்தை சீர் செய்தனர்.