தமிழகத்தின் பல்வேறு பகுதிகளில் கனமழை வெப்பம் தணிந்து குளிர்ந்த பூமி பொதுமக்கள், விவசாயிகள் மகிழ்ச்சி

தமிழகத்தின் பல்வேறு பகுதிகளில் மித முதல் கனமழை பெய்தது.

திருவள்ளூர் மாவட்டம் திருத்தணி மற்றும் சுற்றுவட்டாரப் பகுதிகளில் கனமழை பெய்தது. கே.ஜி.கண்டிகை, ஆர்.கே.பேட்டை, பள்ளிப்பட்டு உள்ளிட்ட பகுதிகளில் மழை கொட்டித்தீர்த்தது. ஓசூர் மற்றும் அதன் சுற்றுப்புற பகுதிகளில் மழை வெளுத்து வாங்கியது. சுமார் ஒரு மணி நேரம் பெய்த மழையால் குளிர்ச்சியான சூழல் நிலவி வருகிறது. தொடர்ச்சியாக மழை பெய்து வருவதால் மக்கள் மகிழ்ச்சி அடைந்துள்ளனர். தேனி மாவட்டம் ஆண்டிப்பட்டி பகுதியில் மிதமான மழை பெய்தது. பலத்த காற்றுடன் ஒரு மணிநேரத்திற்கும் மேலாக மழை நீடித்தது. பொதுமக்கள் மற்றும் விவசாயிகள் மகிழ்ச்சி அடைந்துள்ளனர். திருவண்ணாமலை மாவட்டம் வந்தவாசி சுற்றுவட்டார பகுதிகளில் மழை பெய்தது. ஒரு மணி நேரம் பெய்த மழையால் வெப்பம் தணிந்து குளிர்ச்சியான சூழல் உருவானது. பொதுமக்கள் பெரும் மகிழ்ச்சி அடைந்துள்ளனர்.