அம்மாடியோவ்.. ஒரே ஒரு நாய்.. ரூ.20 கோடிக்கு வாங்கிய தொழிலதிபர் - அப்படி என்ன ஸ்பெஷல்? | bengaluru

அம்மாடியோவ்.. ஒரே ஒரு நாய்.. ரூ.20 கோடிக்கு வாங்கிய தொழிலதிபர் - வாயைப்பிளந்த நெட்டிசன்கள் - அப்படி என்ன ஸ்பெஷல்?

அதிக விலை நாய்களின் கண்காட்சியில், ஒரு நாய் 20 கோடி ரூபாய்க்கு விலைபோய் இருக்கிறது, பெங்களூருவில். கர்நாடக மாநிலம் பெங்களூருவில் அதிகவிலை கொண்ட நாய்களின் கண்காட்சி ஒன்று அண்மையில் நடைபெற்றது. அதில் பங்கேற்ற இந்திய நாய் வளர்ப்போர் சங்கத் தலைவர் சதீஷ், ஒரு காக்கேசியன் நாயை 20 கோடி ரூபாய்க்கு வாங்கியிருக்கிறார். ஐதராபாத்தைச் சேர்ந்த ஒருவரிடமிருந்து, இந்த ஒன்றரை வயது நாயை அவர் வாங்கியிருக்கிறார். பெங்களூரு நகரில் கடபம் நாய்ப் பண்ணை என்கிற பெயரில், இவர் பல்வேறு வகையான நாய்களை வளர்த்துவருகிறார். சதீஷ் இப்போது வாங்கியுள்ள இந்த காக்கேசியன் வகை நாய்கள். ஜார்ஜியா, அர்மீனியா, அஜர்பைஜான், ஒசட்டியா, சிர்கேசியா, துருக்கி, ரஷ்யா, தஜகிஸ்தான் ஆகிய நாடுகளில் பிரபலம். இந்தியாவில் மிகவும் அபூர்வமான இந்த நாய்கள், 76 செ.மீ. உயரமும், 45 முதல் 77 கிலோவரை எடையும் கொண்டதாகவும் வளரக்கூடியவை. இவற்றின் வாழ்நாள் காலம், அதிகபட்சம் 12 ஆண்டுகள். சதீசுடன் நடைக்கு வரும் இந்த காக்கேசியன் நாயை, மிரட்சியுடன் பார்த்தாலும், செல்ஃபி எடுத்துக்கொள்ள ஆர்வம் காட்டுகிறார்கள் பெங்களூருவாசிகள்.