"கர்நாடகாவில் வெறுப்புணர்வு சந்தை மூடப்பட்டது" - ராகுல்காந்தி பேட்டி

கர்நாடகாவில் வெறுப்புணர்வு சந்தை மூடப்பட்டு அன்பு, சகோதரத்துவம் எனும் கடைகள் திறக்கப்பட்டுள்ளதாக ராகுல்காந்தி மகிழ்ச்சியுடன் தெரிவித்துள்ளார்.

டெல்லியில் காங்கிரஸ் கட்சியின் மூத்த தலைவர் ராகுல் காந்தி காங்கிரஸ் கட்சி தலைமை அலுவலகத்தில் செய்தியாளர்களை சந்தித்தார். கர்நாடகா சட்டமன்றத் தேர்தலில் காங்கிரஸ் கட்சி வெற்றி பெற்றதை எடுத்து முதலாளித்துவவாதிகளுக்கு பாடம் கற்பிக்கப்பட்டுள்ளது என்றார். கர்நாடக மாநில ஏழை மக்களுக்கு சேவை செய்ய கர்நாடக மாநில மக்கள் வாய்ப்பு வழங்கியுள்ளனர் என கூறினார். இந்த தேர்தலில் வெறுப்புணர்வு அரசியலை பயன்படுத்தி போராடவில்லை என்றும் அவர் குறிப்பிட்டுள்ளார்.