காவலர் வீர வணக்க நாள் - 120 துப்பாக்கி குண்டுகள் முழங்க மரியாதை

சீன படை தாக்குதலில் உயிர் நீத்த 10 ரிசர்வ் படை வீரர்களின் உயிர் தியாகத்தை போற்றும் வகையில், ஆண்டுதோறும் அக்டோபர் 21ஆம் தேதி காவலர் வீரவணக்க நாள் கடைபிடிக்கப்படுகிறது.

இதன்படி, சென்னையில் உள்ள டிஜிபி அலுவலகத்தில், நினைவு தூண் முன்பு டிஜிபி சைலேந்திர பாபு, காவல் துறை அதிகாரிகள், முப்படைகளின் கிழக்கு பிராந்திய அதிகாரிகள், உயிரிழந்த காவலர்களின் குடும்பத்தினர் உள்ளிட்டோர் கருப்பு பேட்ஜ் அணிந்து அஞ்சலி செலுத்தினர்.

மேலும், நாடு முழுவதும் கடந்த ஓராண்டில் உயிரிழந்த 264 காவல்துறையினருக்கு 120 துப்பாக்கி குண்டுகள் முழங்க மரியாதை செலுத்தப்பட்டது.