அரசு பேருந்தை மறித்து ஓட்டுனரிடம் ரகளை செய்த போதை ஆசாமி - பஸ்சில் நடந்த அடிதடி...அலறிய பயணிகள்..

திண்டுக்கல் மாவட்டம், நிலக்கோட்டை அருகே அரசுப் பேருந்தை வழிமறித்த போதை ஆசாமி, பேருந்து ஓட்டுனருடன் அடிதடியில் ஈடுபட்டார். நிலக்கோட்டையில் இருந்து திண்டுக்கல் சென்ற அந்த பேருந்தை, போதையில் இருந்த பாலசுப்பிரமணியன் என்ற இளைஞர் வழிமறித்து தரக்குறைவாகவும், ஆபாசமாகவும் பேசி உள்ளார். மேலும் பேருந்துக்குள் ஏறி ஓட்டுனர் ஆரோக்கியதாஸுடனும் அவர் வாக்குவாதம் செய்துள்ளார். அவரை கீழே இறக்கியபோது, இருவரும் கை கலப்பில் ஈடுபட்டனர். சம்பவ இடத்துக்கு வந்த போலீசார், பாலசுப்பிரமணியனை விசாரணைக்காக அழைத்துச் சென்றனர். இந்த சம்பவத்தால், ஒரு மணி நேரத்துக்கும் மேலாக போக்குவரத்து பாதிக்கப்பட்டது.