காமராஜர் பாணியில் அதிகாரிகளுக்கு அதிரடி உத்தரவிட்ட ஆளுநர் தமிழிசை

புதுச்சேரியில் ஸ்மார்ட் சிட்டி திட்டப் பணிகளை விரைவுப்படுத்த அதிகாரிகளுக்கு, துணைநிலை ஆளுநர் தமிழிசை செளந்தரராஜன் அறிவுறுத்தினார். ஆளுநர் மாளிகையில், தமிழிசை செளந்தரராஜன் தலைமையில் ஸ்மார்ட் சிட்டி பணிகள் குறித்த சீராய்வுக்கூட்டம் நடைபெற்றது. அப்போது, கடந்த 1957-ஆம் ஆண்டு அப்போதைய தமிழக முதல்வர் காமராஜர், சாத்தனூர் அணை திட்டம் தொடர்பாக அதிகாரிகளுக்கு எழுதிய கடிதத்தை மேற்கோள்காட்டி, தமிழிசை செளந்தரராஜன் அறிவுறுத்தினார். அதனை அதிகாரிகள் பின்பற்றுவதாகத் தெரிவித்தனர்.