அம்மா பாடலை பாடிய ஆளுநர் ஆர்.என்.ரவி

அன்னையர் தினத்தை முன்னிட்டு பல்வேறு துறைகளில் சாதனை படைத்த எட்டு பேரின் தாயார்களுக்கு ஆளுநர் ஆர்.என்.ரவி விருது வழங்கி கவுரவித்தார்.சென்னை கிண்டியில் உள்ள ஆளுநர் மாளிகையில், பல்வேறு துறைகளில் சாதனை படைத்த சாதனையாளர்களின் தாயார்களுக்கு அன்னையர் தின சிறப்பு விருது வழங்கும் நிகழ்ச்சி நடைபெற்றது. இதில் தமிழக ஆளுநர் ஆர்.என். ரவியும் அவரது மனைவி லட்சுமி ரவியும் கலந்துகொண்டு, செஸ் கிராண்ட் மாஸ்டர் பிரக்யானந்தாவின் தாயார் நாகலட்சுமி, நடிகை ஐஸ்வர்யா ராஜேஷின் தாயார் நாகமணி உள்ளிட்ட 8 பேருக்கு விருதினை வழங்கி சிறப்பித்தனர். நிகழ்ச்சியில் பேசிய ஆளுநர் ஆர்.என்.ரவி அன்னை என்பவர் ஆக்க சக்தி என்றார். மேலும், இளையராஜா இசையமைத்த அம்மா என்றழைக்காத உயிரில்லையே பாடலை ஆளுநர் பாடினார்.